Ukrayna, Kiyev /müxbir. Trend Z.Novosvitski/ Ukrayna Ali Radası "Ukrayna prezidenti Viktor Yuşenkonun beynəlxalq hərbi təlimlərdə iştirak etmək üçün digər ölkələrin hərbi qüvvələrinin Ukrayna ərazisinə buraxılması barədə 2007-ci qərarının təqdir edilməsi barədə" qanun qəbul edib.
Trend in Kiyevdəki xüsusi müxbirinin verdiyi məlumata görə, Ukrayna Ali Radasının sədri Aleksandr Moroz bildirib ki, həmin məsələnin müzakirəsi zamanı Ukraynanın müdafiə naziri Anatoli Qriçenko bu qanun layihəsini müdafiə etmək xahişilə ona müraciət edib.
Qanun Ukrayna ərazisinə digər ölkələrin hərbi hissələrinin buraxılması qaydalarını tənzimləyir.
Məlum olduğu kimi, aprelin 4-də Ali Rada bu qanun layihəsini dəstəkləməmişdi. Qanun layihəsinin müzakirəsi zamanı bəlli olub ki, vəziyyətin çətinləşdiyi zamanda hərbi təlim keçmək üçün digər ölkələrin hərbi qüvvələrini Ukrayna ərazisinə buraxmaq məqsədəuyğun deyil.