Azərbaycan Prezidenti öz Polşalı həmkarı ilə görüşüb

Yanvarın 28-də Azərbaycan Prezidenti İlham Əliyev Davosda Polşa Prezidenti Lex Kaçinski ilə görüşmüşdür. Məlumatı AzərTAc Dövlət İnformasiya Agentliyi yayıb.

Görüşdə bildirildi ki, Azərbaycan ilə Polşa arasında münasibətlər müxtəlif sahələrdə, o cümlədən siyasi, iqtisadi və digər sahələrdə uğurla inkişaf edir.

Yüksək səviyyədə qarşılıqlı səfərlərin əhəmiyyətinə toxunulan görüşdə bu səfərlərin və belə görüşlərin əlaqələrimizin daha da genişlənməsi baxımından əhəmiyyətli olduğu vurğulandı.

Görüşdə ikitərəfli münasibətlər və digər məsələlər ətrafında fikir mübadiləsi aparıldı.