Azərbaycan, Bakı, 21 aprel /Trend/
Avropa Yayımları Birliyi (EBU) bu il dekabrın 1-də Amsterdamda keçiriləcək 10-cu "Junior Eurovision Song Contest"də (JESC) 16 ölkənin iştirakını gözləyir.
Trend eurovision.az saytına istinadən xəbər verir ki, builki müsabiqədə artıq 7 ölkə - Ukrayna, İsveç, Belarus, Belçika, Niderland, Rusiya və Ermənistan iştirakını təsdiqləyib.
10-cu JESC şousu Amsterdamda 4000 nəfərlik tamaşaçı tutumu olan "HMH" zalında keçiriləcək.
Xatırladaq ki, Niderland müsabiqəyə artıq ikinci dəfədir ev sahibliyi edir.