Azərbaycan, Bakı, 16 aprel /Trend, müxbir İ.İsabalayeva/
Azərbaycan Respublikasının Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsi "Qala" qoruğunda iməcilik keçirib.
İdarədən çərşənbə axşamı Trend-ə verilən məlumata görə, iməcilik Azərbaycan xalqının ümummilli lideri Heydər Əliyevin 90 illik yubileyinə həsr olunmuş silsilə tədbirlər çərçivəsində təşkil olunub. "İçərişəhər" Dövlət Tarix-Memarlıq Qoruğu İdarəsi tərəfindən qoruq ərazisində ümumilikdə 1500-ə yaxın Eldar şamı ağacı əkilib. Qoruqda təmizlik və abadlıq işləri aparılıb, ərazi kol-kosdan, daş-kəsəkdən təmizlənib.