...

Vaqif Mustafayev III Türk Dünyası Sənədli Filmlər Festivalının münsiflər heyətinin rəhbəri seçilib

Mədəniyyət Materials 21 Avqust 2018 22:57 (UTC +04:00)
Türkiyənin Azərbaycandakı Səfirliyinin Mədəniyyət və Tanıtma Müşavirliyinin təklifi ilə Azərbaycanın görkəmli kinorejissoru, Xalq artisti, “Space” televiziya kanalının prezidenti Vaqif Mustafayev III Türk Dünyası Sənədli Filmlər Festivalının münsiflər heyətinin rəhbəri seçilib
Vaqif Mustafayev III Türk Dünyası Sənədli Filmlər Festivalının münsiflər heyətinin rəhbəri seçilib

Bakı. Trend:

Türkiyənin Azərbaycandakı Səfirliyinin Mədəniyyət və Tanıtma Müşavirliyinin təklifi ilə Azərbaycanın görkəmli kinorejissoru, Xalq artisti, “Space” televiziya kanalının prezidenti Vaqif Mustafayev III Türk Dünyası Sənədli Filmlər Festivalının münsiflər heyətinin rəhbəri seçilib.

Türkiyənin Azərbaycandakı Səfirliyinin Mədəniyyət və Tanıtma Müşavirliyindən Trend-ə verilən məlumata görə, Türk Dünyası Jurnalistlər Federasiyasının təşkilatçılığı ilə keçirilən festivalın əsas məqsədi türkdilli xalqların zəngin mədəniyyətini, milli mənəvi dəyərlərini tanıtmaq və dünyaya təqdim etməkdir.

İlk dəfə 2016-cı ildə təşkil edilən festivala "5 ölkə, 7 şəhər, 1 festival" devizi ilə start verilib. Ötən il festivalın əhatə dairəsi bir qədər genişlənərək 6 ölkəyə və 13 şəhərə çatıb. Bu il isə Türk Dünyası Sənədli Filmlər Festivalında 7 ölkənin iştirakı nəzərdə tutulur və artıq film seçimi başlayıb.

Festival 2018-ci il oktyabrın 2-dən noyabrın 10-dək davam edəcək.

Oktyabrın 12-dən 13-dək festivalda fərqlənən filmlərin Bakıda nümayişi keçiriləcək.

Xəbər lenti

Xəbər lenti