...

Şirvanşahlar sarayında ilk dəfə online tamaşa nümayiş olunacaq

Mədəniyyət Materials 2 Aprel 2020 14:47 (UTC +04:00)
Şirvanşahlar sarayında ilk dəfə online tamaşa nümayiş olunacaq

Bakı. Trend:

Aprelin 3-də saat 12:00-da İçərişəhər Dövlət Tarix-Memarlıq Qoruğu İdarəsi “İçərişəhər” Muzey Mərkəzi Şirvanşahlar sarayında #MuseumFromHome heşteqi adı altında “Şirvanşah I Xəlilullah” adlı kiçikhəcmli tamaşa ilk dəfə online nümayiş etdirəcək.

Mərkəzdən Trend-ə verilən məlumata görə, tamaşa Mədəniyyət və İncəsənət Universitetinin “Teatr sənəti” fakultəsinin 2 və 3-cü kurs tələbələrinin ifasında səhnələşdirilib.

1 mart 2020-ci il tarixdən etibarən hər şənbə günü “Şirvanşah I Xəlilullah” adlı kiçik həcmli tamaşanın nümayişinə start verilib.

Bu layihədə əsas məqsəd ilk dəfə olaraq teatrı muzeyə gətirməklə tarixi şəxsiyyətləri ziyarətçilərlə məkanında görüşdürmək və sarayın qədim divarları arasında əsrləri qovuşdurmaqdır.

Tamaşanın bir digər maraqlı cəhəti də ondadır ki, burada obrazlar hərdən öz dövründən çıxaraq müasir dövrümüzə düşür, tamaşaçılarla birbaşa interaktiv ünsiyyətdə olurlar. Bu yolla auditoriyaya canlı tarix dərsi keçir, önəmli mesajlar ötürürlər.

Məqalədə:
Xəbər lenti

Xəbər lenti