...

Rüfət Səfərov də azadlığa çıxdı: Bundan sonrakı fəaliyyətimdə cəmiyyətə faydalı olacağımı düşünürəm (FOTO) (YENİLƏNİB)

Gündəm Materials 17 Mart 2019 12:13 (UTC +04:00)
Əfv sərəncamı Ədliyyə Nazirliyi Penitensiar Xidmətinin 9 saylı cəzaçəkmə müəssisəsində də icra olunub.
Rüfət Səfərov də azadlığa çıxdı: Bundan sonrakı fəaliyyətimdə cəmiyyətə faydalı olacağımı düşünürəm (FOTO) (YENİLƏNİB)

Bakı. Samir Əli - Trend:

Əfv sərəncamı Ədliyyə Nazirliyi Penitensiar Xidmətinin 9 saylı cəzaçəkmə müəssisəsində də icra olunub.

Trend-in məlumatına görə, bu müəssisəsdə cəza çəkən 5 məhbus azadlığa buraxılıb. Bu müəssisədə əfv olunmuşlar arasında Lənkəran Ağır Cinayətlər Məhkəməsinin 2016-cı il 8 sentyabr tarixli hökmü ilə məhkum edilmiş Rüfət Səfərov də olub. Qeyd edək ki, R.Səfərov Müdafiə Nazirliyinin mətbuat xidmətinin keçmiş rəhbəri, sabiq deputat Eldar Sabiroğlunun oğludur.

R.Səfərov bütün məhbuslara azadlığa çıxmalarını arzu edərək əlavə edib: "Bundan sonrakı fəaliyyətimdə cəmiyyətə faydalı olacağımı düşünürəm".

Qeyd edək ki, ötən gün Prezident İlham Əliyevin imzaladığı əfv sərəncamı ilə 431 nəfər əfv edilib.

Əfv sərəncamı şamil edilənlərdən 399 nəfər cəzanın çəkilməmiş hissəsindən azad edilib.

Ömürlük azadlıqdan məhrum etmə cəzasına məhkum edilmiş bir nəfərin cəzası 25 il, 2 nəfərin cəzası isə 20 il müddətə azadlıqdan məhrum etmə cəzası ilə əvəz edilib. Azadlıqdan məhrum etmə cəzasına məhkum edilmiş və cəzasının çəkilməsi təxirə salınmış bir nəfər cəzadan azad edilib.

Azadlıqdan məhrumetmə cəzasına şərti olaraq məhkum edilmiş 11 nəfər də cəzadan azad olunub.

Bunda başqa, azadlığın məhdudlaşdırılması cəzasına məhkum edilmiş bir nəfər, islah işləri cəzasına məhkum edilmiş 3 nəfər cəzanın çəkilməmiş hissəsindən azad edilib.

1 nəfər ictimai işlər cəzası, 12 nəfər isə cərimə cəzasından azad edilib.

Əfv sərəncamı 14 xarici vətəndaşa, o cümlədən 3 Gürcüstan, 2 Rusiya, 2 Nigeriya, hərəsinə 1-i olmaqla Türkiyə, İran, Özbəkistan, Çin, Kamerun, Hindistan, Belarus vətəndaşlarına da şamil olunub.

FOTO: Zaur Mustafayev

Məqalədə:
Xəbər lenti

Xəbər lenti