Bakı. Trend:
Xaricdə həkimliklə məşğul olan 2000-ə yaxın azərbaycanlı var.
Trend-in məlumatına görə, bunu Diasporla İş üzrə Dövlət Komitəsinin Fuad Muradov sədri "Dünyadakı Azərbaycanlı Təbiblərin Simpoziumu"nun açılış mərasimində deyib.
O qeyd edib ki, xaricdə müxtlif inzibati vəzifələrdə də azərbaycanlılar önə çəkilir. “Bu gün gənc müətxəsislərimiz dünyada tibb sahəsində baş verən son yenilikləri öyrənirlər”, - deyə o qeyd edib.
F.Muradov əlavə edib ki, 44 günlük Vətən müharibəsində Orduya xidmət üçün Azərbaycana gələn və gəlmək istəyən həkimlərin sayı minlərlə idi və müharibədən sonra xeyli qazimizə həkim soydaşlarımız tərəfindən dəstək göstərilib.
Xatırladaq ki, Bakıda "Dünyadaki Azərbaycanlı Təbiblərib Simpoziumu" (Simpozium) keçirilir. Simpoziumun keçirilməsi tibb sahəsindəki yeniliklərin öyrənilməsi, xaricdə çalışan azərbaycanlı həkimlərin ölkəmizə qayıdaraq tibb müəssisələrində fəaliyyətə təşviqi, onların yerli kadrlarla nəzəri və əyani təcrübə mübadiləsi və kommunikasiyalarının artırılması baxımından səhiyyəmizə mühim töhfələr verəcəkdir. Tədbirdə dövlət qurumu rəsmiləri, millət vəkilləri, media nümayəndələri iştirak edir.