Azərbaycan, Lənkəran, 04 mart / Trend , müxbir P.Əliyeva/ Azərbaycanın cənub bölgəsində martın 4-nə keçən gecədən başlayan güclü külək, bölgənin bir neçə rayonunun ucqar kəndlərinin elektrik enerjisi ilə təminatında problemlər yaradıb. Lənkəran Regional Energi Təchizat MMC-nin direktoru Şirin Quliyevin çərşənbə axşamı Trend -a bildirib ki, güclü küləyin əsməsi nəticəsində istifadə müddətini başa vuraraq yararasız vəziyyətə düşən elektrik xəttini külək qırıb, bəzi yaşayış məntəqələrində isə baş verə biləcək böyük qəzalaraın qarşısını almaq üçün lokal açılmalar edilib.
35 kilovotluq Yardımlı Elektrik Veriliş Xəttində qısa qapanma baş verdiyindən, Yarldımlının 70-80% kəndlərində elektrik enerjisi kəsilib, lakin Lerikdən Yardımlıya ehtiyat enerji xətlərindən enerji verilişi müvəqqəti bərpa edilib.
Hazırda qəza briqadaları və rayon fövqəladə hallar komissiyalarnın nümayəndələri qəza yerlərindədir, dəyən ziyanın həcmi müəyyənləşdirilir.
Azərbaycanın cənub rayonları paytaxt Bakıdan 170-350 kilometr cənubda yerləşir.
