Azərbaycan, Bakı, 01 may / Trend , müxbir K.Zərbalıyeva/ Bakının Yasamal rayonunda yeni inşa olunan yaşayış binasında işləyən fəhlə iş zamanı ölüb.
Yasamal rayon prokurorluğundan cümə axşamı Trend a bildirilib ki, Mətbuat prospekti, 529-cu məhəllədəki 25 saylı binanın yaxınlığında inşa olunan binanın tikintisində fəhlə işləyən 49 yaşlı Nadir Səfərovun ölümünə səbəb ürək çatışmazlığı olub.
Məlumata görə, Səfərov artıq bir neçə gündür ürəyindəki ağrılardan şikayətlənirmiş.
Mərhumun meyiti tibbi ekspertizaya göndərilib. Meyitin üzərində heç bir xəsarət izi olmadığı bildirilir.
İnşa olunan 3 mərtəbəli bina şəxsi evdir.
Müəlliflə əlaqə saxlamaq üçün elektron ünvan - [email protected]
