Azərbaycan, Bakı, 27 iyun / Trend , müxbir K.Zərbalıyeva/ Bakının girəcəyində-Xırdalan yolunda betonqarışdıran maşın aşıb.
Trend -un hadisə yerində olan müxbirinin yol polisinə istinadən verdiyi məlumata görə, hadisə zamanı xəsarət alan olmayıb. Qəza sürücünün avtomobili yüksək sürətlə idarə etməsi səbəbindən baş verib.
Son iki ayda Bakıda daha iki belə hadisə qeydə alınıb. Yasamal rayonu ərazisində betonqarışdıran maşının yolun kənarında dayanan "Opel" markalı maşının üstünə aşması nəticəsində ikinci avtomobilin sürücüsü həlak olub.
Mərdəkan yolunda baş vermiş qəzada isə xəsarət alan olmayıb.
Müəlliflə əlaqə saxlamaq üçün elektron ünvan - [email protected]