Azərbaycan, Lənkəran, 19 mart / Trend , müxbir /P.Əliyeva/
Azərbaycanın cənubunda telekommunikasiya qovşağının əməkdaşı intihar edib
Azərbaycanın Lənkəran rayonu Aşağı Nüvədi kənd sakini bu gün səhər saatlarında iş yerində özünü asıb. Bu barədə cümə günü Trend -a Lənkəran Rayon Məhkəmə ekspertizası və Patoloji Anatomiya Mərkəzindən bildirilib.
Məlumatda qeyd edilir ki, Lənkəran Rayon Telekommunikasiya Qovşağının əməkdaşı olan 1964-cü il təvəllüdlü Ələkbər Vəliağa oğlu Hüseynov bu gün səhər saatlarında evdən işə gedib və orada intihar edib. Hüseynovun hansı səbəbdən intihar etdiyi haqda məlumat verilməyib.
Faktla bağlı Lənkəran Rayon Prokurorluğunda Cinayət Məcəlləsinin 125-ci - özünü öldürmə həddinə çatdırma) maddəsi ilə cinayət işi açılıb.
Məqalə müəllifi ilə əlaqə ünvanı: [email protected]/