Azərbaycan, Bakı, 16 iyul /Trend, müxbir K.Zərbalıyeva/ Azərbaycanda yağan leysan yağışlar bəzi rayonların təsərrüfatına ciddi ziyan vurub.
Fövqəladə Hallar Nazirliyinin internet saytının cümə günü yaydığı məlumata görə, iyulun 15-də axşamdan başlayaraq respublikanın bəzi rayonlarında hava şəraiti kəskin dəyişib, leysan xarakterli yağışlar yağıb.
Nəticədə, Tovuz, Beyləqan, Samux, Şamaxı rayonlarında bəzi həyətyanı sahələri və yaşayış evlərinin zirzəmilərini su basıb.