Sonuncu abzas əlavə olunub
Azərbaycan, Bakı, 29 dekabr /Trend, müxbir M.Əliyev/
Çərşənbə günü Azərbaycanın Zaqatala rayonunun meşələrində yanğın baş verib. Bu barədə Trend-ə Ekologiya və Təbii Sərvətlər Nazirliyinin Ətraf Mühitin Müdafiəsi Departamentinin Zaqatala rayon şöbəsindən məlumat verilib.
Hazırda dövlət meşə fondunun 10-15 hektar ərazisi yanır.
Fövqəladə Hallar Nazirliyinin rayon şöbəsinin əməkdaşları yanğın yerinə cəlb edilib.
"Yanğının söndürülməsində çətinliklər var, çünki yanğın çətin keçilən dağlıq ərazidə yerləşən meşə sahəsini əhatə edib", - departamentin rayon şöbəsindən bildirilib.
Rusiya ilə həmsərhəd olan Zaqatala rayonunun ərazisində yanğının söndürülməsinə Ekologiya Nazirliyi departamentinin rayon şöbəsinin 400-dək əməkdaşı cəlb edilib. Meşədə çoxlu sayda qurumuş ağacların olması ilə əlaqədar vəziyyət çətinləşib. Hazırda yanğının söndürülməsi üçün Fövqəladə Hallar Nazirliyinin vertolyotlarının gəlməsi gözlənilir.
Artıq son ay ərzində Azərbaycanda meşə yanğınları baş verib.