Azərbaycan, Bakı, 20 fevral / Trend müxbir K.Zərbalıyeva/
Bakıda dünən baş verən yol qəzalarında 19 nəfər xəsarət alıb.
Respublika Baş Dövlət Yol Polisi İdarəsindən Trend-ə verilən məlumata görə, ötən gün paytaxtda 9 yol qəzası qeydə alınıb.
Suraxanı rayonu, Bahar qəsəbəsi ərazisində "Mercedes" və "Kia" markalı avtomobillər toqquşub. Nəticədə 3 nəfər xəsarət alıb.
Xəzər rayonu, Mərdəkan qəsəbəsində isə "Mercedes" və "BMV" markalı avtomobillərin toqquşması nəticəsində 3 nəfər yaralanıb.
Yasamal rayonu ərazisində, Kənar Dairəvi yolda "VAZ 2107" markalı avtomobil maneəyə dəyib və 2 nəfər xəsarət alıb.
Suraxanıda, Qum adasında "Opel"lə "VAZ21011" toqquşub və 2 nəfər xəsarət alıb.
Bütün faktlarla bağlı araşdırma aparılır.