Azərbaycan, Bakı, 22 fevral /Trend/
Bakı şəhəri, Xətai rayonunda bir nəfərin intihara cəhd etməsi barədə məlumat daxil olub.
Trend-in çərşənbə günü FHN-in rəsmi saytına istinadən yaydığı məlumata görə, hadisə yerində əməliyyat şəraiti qiymətləndirilərkən məlum olub ki, 1963-cü il təvəllüdlü kişi özünü çoxmərtəbəli yaşayış binasının damından atmaqla intihar etmək istəyir.
Xilasedicilər dama çıxaraq vətəndaşla müvafiq danışıqlar aparıb və bu zaman yaranmış əlverişli şəraitdən istifadə edərək intiharın qarşısını alıblar. Xilasetmə əməliyyatı saat 17:30-da başa çatıb.