Azərbaycan, Bakı, 28 noyabr /Trend, müxbir K.Zərbalıyeva/
Sabirabadda maye qaz daşıyan yük maşını aşıb.
Rayon Polis İdarəsindən Trend-ə verilən məlumata görə, bu gün səhər saatlarında Sabirabad Dövlət Sosial İqtisadi Kollecinin yaxınlığındakı yanacaqdoldurma məntəqəsinə yanacaq doldurmaq üçün girən yük maşını çuxura düşüb və aşıb.
Hadisə yerinə Fövqəladə Hallar Nazirliyinin xialsediciləri, yanğınsöndürənlər cəlb olunublar.
Təhlükəsizlik məqsədilə yaxınlığdakı kollecin tələbələri ərazidən evakuasiya ediliblər.
Qəza nəticəsində xəsarət alan olmayıb.