Azərbaycan, Bakı, 2 yanvar /Trend/
Fransada dekabrın 31-i və yanvarın 1-də 1,2 minə yaxın avtomobil yandırılıb. Trend-in "İnterfaks"a istinadən verdiyi məlumata görə, bu barədə Fransanın daxili işlər naziri Manuel Vals bildirib.
Onun sözlərinə görə, Yeni il gecəsində qəsdən yandırılmış avtomobillərin sayında nəzərəçarpacaq dəyişiklik yoxdur.
Nazir xatırladıb ki, 2010-ci ildə Yeni il bayramında da analoji hadisə baş vermişdi.