...

İranın Şərqi Azərbaycan əyalətində yenidən güclü zəlzələ olub

Hadisə Materials 29 Yanvar 2013 09:59 (UTC +04:00)
Ötən gün axşam İranın Şərqi Azərbaycan əyalətinin Vərzəqan şəhərində yenidən zəlzələ baş verib.
İranın Şərqi Azərbaycan əyalətində yenidən güclü zəlzələ olub

Trend-i buradan izləyin

Azərbaycan, Bakı, 29 yanvar /Trend, müxbir T.Cəfərov/

Ötən gün axşam İranın Şərqi Azərbaycan əyalətinin Vərzəqan şəhərində yenidən zəlzələ baş verib. Trend-in məlumatına görə, bu barədə Fars agentliyi xəbər yayıb.

Zəlzələnin gücü Rixter cədvəli üzrə 4,5 bal olub.

Zəlzələ yerli vaxtla saat 23:39-də qeydə alınıb. Xəsarət alanlar və dağıntılar barədə hələlik məlumat yoxdur.

Qeyd edək ki, yanvarın 26-da da İranın Şərqi Azərbaycan əyalətinin Vərzəqan və Əhər şəhərlərində Rixter cədvəli üzrə 5 bal gücündə zələzələ baş vermişdi. Zəlzələ nəticəsində 10 nəfərdən çox şəxs yaralanmışdı.

Xatırladaq ki, 2012-ci ilin avqustun 11-də İranın Şərqi Azərbaycan əyalətində 6,2 bal gücündə baş vermiş zəlzələ nəticəsində 300 nəfər ölüb, 2500 yaxın adam xəsarət alıb. Əyalətdə 538 kənddən 110-u qismən və ya tamamilə dağılıb. Təxminən beş min bina zərər görüb.

Məqalədə:
Xəbər lenti

Xəbər lenti