Azərbaycan, Bakı, 2 mart /Trend, müxbir İ.İzzət/
"Elit" Ticarət Mərkəzində yanğın başlayıb. Bu barədə Trend-ə Fövqəladə Hallar Nazirliyindən məlumat verilib. Yanğının söndürülməsi üçün əraziyə 3 yanğınsöndürən maşın göndərilib.
Hazırda yanğının qarşısı alınır.
FHN-nin Dövlət Yanğın Nəzarəti Xidmətindən Trend-ə bildiriblər ki, yanğınla bağlı yüksək çağırış elan olunmayıb. Artıq yanğın söndürülüb.
Bakı şəhəri Təcili və Təxirəsalınmaz Tibbi Yardım Stansiyasından Trend-ə bildiriblər ki, yanğın zamanı hər hansı xəsarətin olması barədə məlumat daxil olmayıb.