Azərbaycan, Bakı, 5 may /Trend/
Lənkəranda iki avtomobil toqquşub.
Trend Fövqəladə Hallar Nazirliyinin rəsmi saytına istinadən məlumat verir ki, Lənkəran şəhərində "BMW" və "VAZ" markalı iki minik avtomobili toqquşub. Nəticədə, hər iki nəqliyyat vasitəsi deformasiyaya uğrayıb, hadisə zamanı "VAZ" markalı minik avtomobilinin sürücüsü müxtəlif dərəcəli bədən xəsarəti alıb. Yaralı xəstəxanaya aparılıb.
Hadisə yerinə cəlb edilmiş xilasedicilər ərazidə müvafiq təhlükəsizlik tədbirləri görüblər.