Azərbaycan, Bakı, 20 noyabr /Trend, müxbir İ.İzzət/
İsmayıllı rayonu ərazisində ölümlə nəticələnən yol-nəqliyyat hadisəsi baş verib.
Trend Daxili İşlər Nazirliyinin (DİN) rəsmi saytına istinadən xəbər verir ki, noyabrın 19-da saat 20.00 radələrində İsmayıllı rayonu ərazisində rayon sakini Elman Əzizov idarə etdiyi "VAZ-21100" markalı avtomobillə yolu keçən rayon sakini Ağalar Xanalıyevi vurub.
Piyada A.Xanalıyev xəstəxanaya yerləşdirilsə də, onun həyatını xilas etmək mümkün olmayıb.
Faktla əlaqədar cinayət işi açılıb, araşdırma aparılır.