Azərbaycan, Bakı, 20 may /Trend, müxbir T.Cəfərov/
İranın paytaxtı Tehran şəhərində ərzaq məhsulları istehsal edən zavodun qablaşdırma sexində partlayış baş verib.
Trend-in IRNA agentliyinə istinadən verdiyi məlumata əsasən, partlayış bu gün yerli vaxtla saat 07:35-də Tehranın Xəlic Fars küçəsində baş verib.
Hadisə nəticəsində zavodun binasının bir hissəsi tamamilə dağılıb. Bir nəfər ağır xəsarət alıb və xəstəxanaya yerləşdirilib.
Partlayışın baş vermə səbəbləri araşdırılır.