...

Bakıda qadını 17 bıçaq zərbəsi ilə qətlə yetirən şəxs tutulub (FOTO)

Hadisə Materials 2 Avqust 2014 12:18
Xətai rayon Polis İdarəsi əməkdaşlarının xüsusi peşəkarlıqla həyata keçirdiyi əməliyyat axtarış tədbirləri nəticəsində 2014-cü il iyulun 31-də baş vermiş ağır qətl hadisəsinin üstü açılıb.
Bakıda qadını 17 bıçaq zərbəsi ilə qətlə yetirən şəxs tutulub (FOTO)

Trend-i buradan izləyin

Azərbaycan, Bakı, 2 avqust /Trend, müxbir İlkin İzzət/

Xətai rayon Polis İdarəsi əməkdaşlarının xüsusi peşəkarlıqla həyata keçirdiyi əməliyyat axtarış tədbirləri nəticəsində 2014-cü il iyulun 31-də baş vermiş ağır qətl hadisəsinin üstü açılıb.

Daxili İşlər Nazirliyinin mətbuat xidmətindən Trend-ə verilən məlumata görə, 47 yaşlı Gülnarə Zamanovanın Gəncə prospekti, 36 ünvandakı evində çoxsaylı bıçaq xəsarətləri ilə qətlə yetirilməsi barədə polisə məlumat daxil olub. Dərhal hadisə yerinə gələn polis və prokurorluq orqanlarının əməkdaşları zəruri istintaq əməliyyat tədbirlərinə başlayıb. Mərhumun 17 bıçaq zərbəsi ilə xüsusi amansızlıqla qətlə yetirilməsi müəyyənləşib.

Çox keçməyib ki, hüquq-mühafizə orqanlarının əməkdaşları bu ağır cinayəti törətməkdə şübhəli bilinən şəxsin izinə düşüb. Xətai rayon sakini, 55 yaşlı Eyvaz İbrahimov şübhəli şəxs qismində saxlanılıb və tutarlı dəlil-sübutlar qarşısında əməlini etiraf edib.

E.İbrahimov bildirib ki, ev alqı-satqısı ilə məşğul olduğu zaman G.Zamanova ilə tanış olub. Onun evinin satılmasına kömək edib və bir neçə ay sonra ondan borc pul alıb. Lakin G.Zamanova bir müddət keçdikdən sonra pulu yüksək faizli sələmlə geri tələb edib. Aralarındakı münaqişə də elə burdan başlayıb.

Hadisə baş verən gün G.Zamanova yenidən E.İbrahimova zəng vuraraq pulu tələb edib və evə çağırıb. Evdə E.İbrahimovla qadın arasında mübahisə yaranıb. Bu zaman Eyvaz daimi üstündə gəzdirdiyi bıçaqla G.Zamanovanı çoxsaylı zərbələrlə öldürüb. Bundan sonra evin qapısını açarla bağlayaraq hadisə yerindən qaçıb.

Faktla bağlı qəsdən adamöldürmə maddəsi ilə cinayət işi açılıb, istintaq aparılır.

Məqalədə:
Xəbər lenti

Xəbər lenti