Azərbaycan, Bakı, 27 sentyabr /Trend/
Bu gün gecə saatlarında Bakı-Quba-Rusiya Federasiyası dövlət sərhədi avtomobil yolunun 65-ci kilometrliyində, Xızı rayon Sitalçay kəndi ərazisində yol-nəqliyyat hadisəsi baş verib.
Trend Regional TV-yə istinadən məlumat verir ki, 1989-cu il təvəllüdlü Abşeron rayon Ceyranbatan qəsəbə sakini Emin Hüseynovun idarə etdiyi "VAZ 2104" markalı avtomobil idarəetməni itirərək yolun ortasındakı dəmir maneəyə çırpılıb.
Nəticədə sürücü müxtəlif dərəcəli xəsarətlər alaraq Siyəzən Regional Müalicə Diaqnostika Mərkəzinə yerləşdirilib. Onun vəziyyətinin orta-ağır olduğu bildirilir.
Hazırda fakt araşdırılır.