Azərbaycan, Bakı, 30 sentyabr /Trend, müxbir İlkin İzzət/
Bakıda avtobusda oğurluqla məşğul olan şəxs tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, sentyabrın 29-u saat 19 radələrində 25 saylı xətt avtobusunda naməlum şəxs Bakı şəhər sakini Əkbər Cəfərovun şalvarının cibindən 100 manat götürərək qaçıb.
Nərimanov Rayon Polis İdarəsi Cinayət-Axtarış Şöbəsi, Post-Patrul Xidməti Bölüyü və Rayon Mühafizə İidarəsinin keçirdiyi əməliyyat tədbirləri nəticəsində, soyğunçuluqda şübhəli bilinən Mehdi İsmayılov tutulub.
Qeyd edək ki, M.İsmayılov əvvəllər məhkumluq həyatı yaşayıb.