Azərbaycan, Bakı, 27 oktyabr /Trend/
Sentyabrın 29-da Rusiyanın Elizovo şəhərində Polovinka çayında 53 yaşlı Azərbaycan vətəndaşını suda batıran cinayətkarın kimliyi məlum olub. Trend-in Rusiya KİV-ə istinadən verdiyi məlumata görə, hadisəni 28 yaşlı Çita sakini törədib.
Oktyabrın 16-da saxlanılan cinayətkar azərbaycanlını qız üstündə öldürdüyünü bildirib. Kamçatkaya qazanc dalınca gələn Çita sakini burada azərbaycanlının qızla danışıq tərzi xoşuna gəlmədiyinə görə cinayətə əl atıb.
Azərbaycanlının cəsədi aşkar edilərkən baş nahiyəsində çoxlu yara izləri olub. Hazırda ölüm faktı üzrə cinayət işi açılıb, Çita sakinini 15 ilədək azadlıqdan məhrumetmə cəzası gözləyir.