Azərbaycan, Bakı, 24 fevral /Trend/
Bakıda 3 nəfər köməksiz vəziyyətdə qalıb.
Trend Fövqəladə Hallar Nazirliyinin saytına istinadən məlumat verir ki, fevralın 22-də yağan qarın əriməsi və qrunt sularının qalxması nəticəsində Bakı şəhəri, Sabunçu rayonunda fərdi yaşayış evinin həyətini su basıb və 3 nəfər köməksiz vəziyyətdə qalıb.
Dərhal nazirliyin xilasediciləri xüsusi texnikalar vasitəsilə vətəndaşları təhlükəsiz əraziyə köçürüb və aidiyyəti üzrə təhvil veriblər.