Bakı. Samir Əli - Trend:
Sabunçuda ər keçmiş həyat yoldaşını bıçaqlayıb. Bu barədə Trend-ə Sabunçu rayon Prokurorluğundan məlumat verilib.
Hadisə noyabrın 10-da axşam saatlarında rayonun Maştağa qəsəbəsində baş verib. 1981-ci il təvəllüdlü Əzizov Anar Məzahir oğlu Maştağa qəsəbəsində əvvəllər rəsmi nikahda olduğu Əzizova Gülnarə Əhmədağa qızının yaşadığı evə gəlib. Tərəflər arasında yaranmış mübahisə davaya çevrilib. Nəticədə A.Əzizov G.Əzizovanı bıçaqlayıb.
Yaralı təcili 3 saylı şəhər Klinik Xəstəxanasına yerləşdirilib və əməliyyat olunub. Keçirilən əməliyyat-axtarış tədbirləri nəticəsində hadisəni törətməkdə şübhəli bilinən A.Əzizov saxlanılıb.
Faktla bağlı Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb.