Bakı. Trend:
Masallıda dördmərtəbəli yaşayış binasında yanğın olub.
Fövqəladə Hallar Nazirliyindən Trend-ə verilən məlumata görə, yaşayış binasının 2-ci mərtəbəsində ümumi sahəsi 32 kv.m olan 2 otaqlı mənzilin 1 otağında ev əşyaları 4 kv.m sahədə və 1 ədəd pəncərə çərçivəsi yanıb.
Mənzilin qalan hissəsi yanğından mühafizə olunub. Yanğın saat 17:55-də yanğınsöndürənlər tərəfindən söndürülüb.