Bakı. Trend:
Zaqatalada avtomobil ağaca çırpılıb, sürücü yaralanıb.
Fövqəladə Hallar Nazirliyindən Trend-ə verilən məlumata görə, Zaqatala rayonu, Bəhmətli kəndində “VAZ” markalı minik avtomobili yol kənarındakı ağaca çırpılıb.
Hadisə zamanı sürücü müxtəlif xəsarətlər almış və avtomobildə sıxılmış vəziyyətdə qalıb. Hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri yaralını nəqliyyat vasitəsindən çıxarıb və aidiyyəti üzrə təhvil veriblər.
Əməliyyat başa çatıb.