Bakı. Samir Əli - Trend:
Bakıda orta yaşlı kişi küçədə bıçaqlanıb.
Trend-in məlumatına görə, hadisə paytaxtın Binəqədi rayonu, 6-cı mikrorayon Ə.Ağayev küçəsində baş verib.
1987-ci il təvəllüdlü Elşən Quliyev küçədə tanımadığı şəxs tərəfindən bıçaqlanıb. E. Quliyev kəsilmiş-deşilmiş xəsarətlərlə xəstəxanaya yerləşdirilib.
Faktla bağlı Binəqədi rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb, hadisəni törədən şəxsin müəyyən edilməsi istiqamətində əməliyyat-axtarış tədbirləri həyata keçirilir.