Bakı. Trend:
Bəzi kütləvi informasiya vasitələrində guya Azərbaycan Ordusunun hərbi qulluqçusu Yusifli Seymur Teymur oğlunun dəm qazından boğularaq vəfat etməsi barədə məlumat yayılıb.
Müdafiə Nazirliyindən Trend-ə bildirilib ki, Müdafiə Nazirliyinin bazasında qeyd olunan ad və soyadda Azərbaycan Ordusunda xidmət edən hərbi qulluqçu mövcud deyil.
Kütləvi informasiya vasitələri nümayəndələrini rəsmi təsdiqini tapmayan məlumatları paylaşmamağa çağırırıq.
XXX
Saat: 16:29
Sumqayıtda bir nəfər dəm qazından boğularaq ölüb.
Trend-in məlumatına görə, Şəki şəhər sakini, 2001-ci il təvəllüdlü Yusifli Seymur Teymur oğlu dəm qazından boğularaq vəfat edib.
Baş Prokurorluğun Mətbuat xidmətindən Trend-ə bildirilib ki, qeyd olunan faktla bağlı hazırda Sumqayıt Şəhər Prokurorluğunda araşdırma aparılır.