...

Bakıda qətl törətməkdə təqsirləndirilən şəxsin qardaşı məhkəmə zalında həbs edildi

Hadisə Materials 10 Fevral 2023 14:41 (UTC +04:00)
Bakıda qətl törətməkdə təqsirləndirilən şəxsin qardaşı məhkəmə zalında həbs edildi
Samir Əli
Samir Əli
Bütün xəbərlər

Bakı. Trend:

Bakı Ağır Cinayətlər Məhkəməsində paytaxtda qətldə təqsirləndirilən Rahib Lətifov, xuliqanlıqda ittiham olunan qardaşları Qorxmaz Lətifov və Ramil Lətfovun cinayət işi üzrə məhkəmə prosesi davam edib.

Trend-in məlumatına görə, bu gün hakim Zeynal Ağayevin sədrliyi ilə keçirilən prosesdə qərar qəbul olunub. Məhkəmənin qərarı ilə hazırda zamində olan qardaşlardan biri Qorxmaz Lətifovun barəsindəki qətimkan tədbiri dəyişdirilib və o, məhkəmə zalından həbs edilib.

Qeyd edək ki, ötən ilin noyabrın 27-də, saat 21 radələrində Sabunçu qəsəbəsi ərazisində 1996-cı il təvəllüdlü İrşad Əliyevə və dostu 2000-ci il təvəllüdlü Fərid Əliyevə bıçaqla xəsarətlər yetirilməsi, yetirilmiş xəsarətlər nəticəsində Fərid Əliyevin xəstəxanada ölməsi barədə rayon prokurorluğuna məlumat daxil olub.

Müəyyən edilib ki, İrşad Əliyev və Fərid Əliyev tanışları Sabunçu qəsəbə sakinləri - Rahib, Ramil və Qorxmaz Lətifov qardaşları ilə Sabunçu qəsəbəsi, Müqtədir Aydınbəyov küçəsi 41 ünvanında yerləşən kafenin qarşısında şəxsi münasibətlər zəminində mübahisə ediblər.

Mübahisə zamanı Rahib Lətifov bıçaqla Fərid Əliyevə və İrşad Əliyevə xəsarətlər yetirib, Ramil Lətifov və Qorxmaz Lətifov isə silah qismində istifadə etdikləri vasitələrlə İrşad Əliyevə müxtəlif dərəcəli bədən xəsarətləri yetiriblər.

İstintaq orqanı tərəfindən Rahib Lətifovun barəsində Cinayət Məcəlləsinin 120.2.2 (xuliqanlıq niyyəti ilə adam öldürmə), 29, 120.2.2 (xuliqanlıq niyyəti ilə adam öldürməyə cəhd), 29, 120.2.7-ci (iki və ya daha çox şəxsi qəsdən öldürməyə cəhd) və 221.3 (silah qismində istifadə olunan əşyalar tətbiq etməklə xuliqanlıq etmə) maddələri ilə, Ramil və Qorxmaz Lətifovların barəsində isə Cinayət Məcəlləsinin 221.3-cü maddələri ilə ittiham elan edilib. Rahib Lətifov barəsində həbs qəti imkan tədbiri seçilsə də, Ramil və Qorxmaz barəsində başqa yerə getməmək qətimkan tədbiri müəyyən edilmişdi.

Məqalədə:
Xəbər lenti

Xəbər lenti