Ağdam.Trend:
Ağdamda evdə baş verən yanğın zamanı xəsarət alan 60 yaşlı qadın xəstəxanada ölüb.
Trend-in Qarabağ bürosunun məlumatına görə, oktyabrın 2-də rayonun Quzanlı qəsəbəsində 3 otaqlı evdə baş verın yanğın zamanı yanıq xəsarəti alan 1965-ci il təvəllüdlü Zibeydə İsmayılova ikinci dərəcəli xəsarət alaraq xəstəxanaya yerləşdirilib.
Belə ki, Z.İsmayılova bu gün paytaxtda yerləşən xəstəxanada vəfat edib.
Qeyd edək ki, yanğın zamanı onun nəvəsi 2013-cü il təvəllüdlü Nəzrin İsmayılova isə birinci dərəcəli yanıq xəsarətləri alaraq Ağdam Rayon Mərkəzi Xəstəxanasına çatdırılıb.
Hazırda onun müalicəsi ev şəraitində davam etdirilir.