...

İnsandan 96 faiz "ağıllı" kompyuter proqramı yaradılıb

Maraqlı Materials 21 Fevral 2012 14:44 (UTC +04:00)
İsveçin Heteberq şəhərindəki Qutenberq Universitetinin alimləri Yer kürəsi sakinlərindən 96 faiz çox yüksək intellekt səviyyəsinə malik kompyuter proqramı hazırlayıblar.
İnsandan 96 faiz "ağıllı" kompyuter proqramı yaradılıb

Trend-i buradan izləyin

Azərbaycan, Bakı, 21 fevral /Trend, müxbir X.Murtuzayeva/

İsveçin Heteberq şəhərindəki Qutenberq Universitetinin alimləri Yer kürəsi sakinlərindən 96 faiz çox yüksək intellekt səviyyəsinə malik kompyuter proqramı hazırlayıblar. Trend-in məlumatına görə, bu barədə "Gizmodo" texnobloqu məlumat verib.

Daha dəqiq desək, proqram intelelktual inkişaf - İQ üzrə testlərin öhdəsindən daha yaxşı gələrək 150 baldan artıq nəticə göstərib. Qeyd etmək lazımdır ki, indiyədək kompyuter proqramları İQ testlərinin yerinə yetirərkən 90-100 bal civarında maksimum nəticə nümayiş etdirə biliblər.

Yeni proqramın hazırlanması üzrə işlərə rəhbərlik edən universitetin fəlsəfə, linqvistika və elm nəzəriyyəsi kafedrasının əməkdaşı Kles Stranneqord jurnalistlərə bildirib ki, proqram insan kimi öyrənməyə, yeni ardıcıllıqları və asılılıqları bilməyə qadirdir.

Proqrama düzgün cavablar qoyulmayıb, o onları insanın belə vəziyyətlərdə hərəkət etdiyi kimi, yəni məntiqi düşüncənin köməyi ilə tapmağa çalışır. Nəticədə o başqa proqramlara nisbətən bir qədər ləng işləyir. Lakin bu halda riyaziyyatçı dahiyə layiq - 170 mümkün baldan 150-ni yığır. Belə nəticəni planetin əhalisinin təxminən cəmi 4 faizi göstərməyə qadirdir.

"Bizim proqramımız riyaziyyat üzrə adi kompyuter əlavələrindən daha qabaqcıldır, çünki o riyaziyyatla psixologiyanı bir araya gətirir. Biz təkcə riyazi biliklərin deyil, baş verənləri təhlil etmək bacarığının da təməlini qoymuşuq", - alimlər deyirlər.

Proqram daha çox şeylərə qadirdir. Belə ki, müəyyən alqoritmlər əsasında o havanı və ya adamların psixologiyasından güclü şəkildə asılı olan fond bazarının gedişatı barədə də qabaqcadan xəbər verə bilər.

İsveç alimləri ümid edirlər ki, gələcəkdə onlar təfəkkürün alternativ metodlarında sıçrayış edərək, məsələn, insan kimi düşünən robotun yaradılmasına da nail olacaqlar.

Xəbər lenti

Xəbər lenti