Azərbaycan, Bakı, 20 fevral/ Trend , müxbir K. Ramazanova/ Dağlıq Qarabağ problemini mümkün olduqca tez həll etmək lazımdır. Bu barədə çərşənbə günü Bakıda ABŞ-ın respublikaçı senatoru Sem Braunbek bildirib.
"Bu, regiondakı stabillik üçün vacibdir", - Azərbaycanın Diplomatiya Akademiyasının tələbələri qarşısında çıxış edən Braunbek bildirib.
O, Kosovonun müstəqilliyinin tanınmasının Dağlıq Qarabağ üçün presedent ola bilməyəcəyini qeyd edib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki nəticəsiz, sülh danışıqları aparılır.
