Azərbaycan, Bakı, 12 yanvar/ Trend , müxbir E.Rüstəmov/Dağlıq Qarabağ münaqişəsi də daxil olmaqla, Cənubi Qafqazda münaqişələrin nizamlanması ətrafındakı vəziyyət ATƏT Parlament Assambleyasının (PA) qış sessiyasında müzakirə ediləcək. ATƏT PA - nın xüsusi nümayəndəsi Horan Lenmarker fevralın əvvəlində regiona səfərindən sonra vəziyyət haqqında hesabat təqdim edəcək, - ATƏT PA - nın əlaqələr departamentinin rəhbəri Klass Berqman Kopenhagendən elektron poçtla Trend - a bildirib.
ATƏT PA - nın iclası fevralın 19 - 20 - nə təyin edilib.
Lenmarkerin regiona səfərinin əsas məqsədi Cənubi Qafqaz regionunun inkişafı məsələlərinin və münaqişələrin nizamlanması problemlərinin müzakirəsi olacaq.
İki Cənubi Qafqaz ölkəsiarasında münaqişə 1988 - ci ildə Еrmənistanın Azərbaycana qarşı ərazi iddiası irəli sürməsi zəminində yaranıb. 1991 - ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992 -1993 - cü illərdə Şuşa, Xocalı və Dağlıq Qarabağa bitişik yeddi rayon işğal olunub. 1994 - cü ilin mayında tərəflər atəşkəs rеjiminə dair razılaşma əldə еdiblər вə о вaхtdan bəri, ATƏT- in Minsk Qrupunun himayəsi altında, Rusiya, Fransa вə ABŞ - ın həmsədrliyi ilə, hələ ki nəticəsiz, sülh danışıqları aparılır.
Lenmarker prezident İlham Əliyev və xarici işlər naziri Elmar Məmmədyarovla görüşlər keçirməyi planlaşdırır.
Müəlliflə əlaqə saxlamaq üçün elektron ünvan: [email protected]