Azərbaycan, Bakı, 4 mart /Trend, müxbir S.Ağayeva/
ATƏT-in Minsk qrupunun Rusiya, Fransa və ABŞ-dan olan həmsədrləri İqor Popov, Bernar Fasye və Robert Bratke Azərbaycan, Rusiya və Ermənistan prezidentlərinin martın 5-də Soçidə keçiriləcək görüşündə iştirak edəcəklər. Bunu Ermənistanın xarici işlər naziri Edvard Nalbandyan ATƏT-in Daimi Şurasının iclasında deyib. Trend-in məlumatına görə, bu barədə ATƏT-in rəsmi saytında bildirilir.
Görüş Rusiya Prezidenti Dmitri Medvedevin təşəbbüsü ilə keçirilir.