Bakı. Trend:
Fransada bir müddət əvvəl “siyasi qaçqın” statusu alan Vidadi İsgəndərliyə qarşı tədbirlərin görülməsi çağırışı ilə bağlı petisiya hazırlanıb.
Trend-in məlumatına görə, təxribatçı sosial şəbəkələrdə təhqir xarakterli videolar yerləşdirir və bu videolarda öz vətənini və xalqını alçaldır, Azərbaycan dövlətinin rəmz və atributlarını təhqir edir.
V.İsgəndərli öz videoçarxlarında ictimaiyyəti anti-konstitusion hərəkətlər törətməyə, zorakılıq və terrorçuluğa çağırışlar edir.
Petisiyada deyilir: “Biz inanmaq istəmirik ki, Fransa dövləti bu təxribatda maraqlıdır. Biz bu ölkəni Vidadi İsgəndərlinin terrorçuluğa və zorakılığa çağırışlarını diqqətə almağa və müvafiq tədbirlər görməyə çağırırıq”.
Trend oxucularını bu petisiyanı imzalamağa çağırırıq. Petisiyanı BU ÜNVANA keçməklə imzalamaq olar.