Aprelin 19-da ATƏT-in Dağlıq Qarabağ münaqişəsinin nizamlanması üzrə Minsk Qrupunun amerikalı həmsədri Stiven Mənn Rusiya XİN-də qəbul edilib. Trend in xəbər verdiyi kimi, bu barədə Rusiya XİN-nin məlumatında deyilir.
Görüş həmsədrin Bakı və İrəvana səfəri ərəfəsində həyata keçirilib. Görüş zamanı ATƏT-in Minsk Qrupunun həmsədrliyi formatında nizamlanma prosesində irəliləyişin əldə edilməsi istiqamətində qarşıdakı addımların əlaqələndirilməsi ilə bağlı məsələlər müzakirə olunub", - deyə məlumatda qeyd olunur.