...

Avropa Birliyi Azərbaycanın işğal olunmuş ərazilərindəki "prezident seçkiləri"ni pisləyir (video)

Ermənistan-Azərbaycan münaqişəsi Materials 18 İyul 2007 12:13 (UTC +04:00)
Avropa Birliyi Azərbaycanın işğal olunmuş ərazilərindəki "prezident seçkiləri"ni pisləyir (video)

Trend-i buradan izləyin

Azərbaycan, Bakı /müx. Trend K.Ramazanova / Dağlıq Qarabağdakı "prezident seçkiləri"nin heç bir məntiqi əsası yoxdur. Bunu çərşənbə günü Bakıda Avrokomissiyanın Azərbaycandakı nümayəndəsi Alan Vaddams deyib.

Ermənistanın işğal etdiyi Azərbaycan ərazisində iyulun 19-da keçirilməsi planlaşdırılan "prezident seçkiləri" həmçinin Avropa Şurası və ATƏT tərəfindən pislənilir.

Avrokomissiyanın nümayəndəsi bu "seçkilər"ə görə mənfi mövqeyini ifadə edib və qeyd edib ki, bu seçkilər Avropa ölkələri tərəfindən tanınmayacaq. O bildirib ki, Avropa Birliyi Dağlıq Qarabağı müstəqil struktur kimi tanımayacaq.

İki Cənubi Qafqaz ölkəsi arasında münaqişə 1988-ci ilə təsadüf edir. Səbəb Ermənistanın Azərbaycana qarşı ərazi iddiası ilə çıxış etməsi olub. Azərbaycan torpaqlarının 20 faizi, konkret olaraq Dağlıq Qarabağ və 7 ətraf rayonu Ermənistan Silahlı Qüvvələrinin işğalı altındadır. 1994-ci ilin mayında tərəflər atəşkəs haqqında razılaşma əldə ediblər və bu vaxtadək ATƏT-in Minsk qrupunun vasitəçiliyi ilə hələlik uğursuz sülh danışıqları aparılır.

Xəbər lenti

Xəbər lenti