Fransa, Strasburq, 21 yanvar/ Trend , müxbir A.Məhərrəmli/ Azərbaycanlı deputat Qənirə Paşayeva bazar ertəsi Avropa Şurası Parlament Assambleyasının katibliyinə ermənilər tərəfindən Azərbaycan ərazisində tarixi abidələrin dağıdılması ilə əlaqədar yazılı müraciət təqdim edib. Müraciətdə, demək olar ki, 20 ildir ki, işğal olunmuş Azərbaycan ərazilərində Azərbaycanın tarixi abidələrinin Ermənistan tərəfindən məhv edilməsindən danışılır. Bu barədə Trend -ə bazar ertəsi Azərbaycanın AŞPA-dakı parlament nümayəndə heyətinin üzvü Qənirə Paşayeva məlumat verib.
Müraciətdə bu rayon və şəhərlərdə abidələrin dağıdılması sadalanır: Xocavənd, Xocalı, Şuşa, Laçın, Kəlbəcər, Ağdərə, Ağdam, Cəbrayıl, Füzuli, Qubadlı, Zəngilan. Sənəddə dağıntıların sayına və miqyasına görə, XXİ əsr Avropasında analoqun olmadığı qeyd edilir.
Bəyannamədə Azərbaycan tərəfi Avropa Şurasına üzv ölkələri ermənilər tərəfindən abidələrin dağıdılmasının qarşısının alınması üçün vacib addımlar atmağa və onların hərəkətinə siyasi qiymət verməyə çağırır. Həmçinin, bəyannamə Ermənistanı erməni Silahlı Qüvvələrinin işğal olunmuş torpaqlardan çıxarılması haqqında AŞPA-nın 1416 saylı 2005-ci il Qətnaməsinə əməl etməyə çağırır.
