Azərbaycan, Bakı, 11 fevral / " , müxbir İ.Əlizadə/ Azərbaycan Parlamentinin sədri Oqtay Əsədov yazda İrana rəsmi səfər edəcək. "Səfər mart ayında İranda keçiriləcək parlament seçkilərindən sonra baş tutacaq" - deyə bazar ertəsi Trend ə açıqlamasında Milli Məclisin Aqrar siyasət daimi komissiyasının sədri, Azərbaycan-İran parlamentlərarası əlaqələr üzrə İşçi qrupun sədr müavini Eldar İbrahimov məlumat verib.
İbrahimovun rəhbərlik etdiyi Azərbaycan Parlamentinin nümayəndə heyəti fevralın 2-dən 6-dək İranda səfərdə olub. Səfər çərçivəsində Azərbaycan Parlamentinin nümayəndə heyəti İran İslam Şurası Məclisinin sədri Qulaməli Həddad Adel, İranın vitse-prezidenti Rəhim Məşai, xarici işlər nazirinin müavini Mehdi Səfəri, kənd təsərrüfatı nazirinin müavini Peyman Fəlsəfi, İran-Azərbaycan parlamentlərarası dostluq qrupunun sədri Salman Xudadadi, İran-Azərbaycan Dostluq Cəmiyyətinin sədri Əhəd Qəzai ilə görüş keçiriblər. İbrahimov qeyd edib ki, səfər İran İslam Şurası Məclisi (parlament) sədrinin dəvəti ilə həyata keçiriləcək. Səfər zamanı iki ölkə parlamentləri arasında əlaqələrin inkişaf etdirilməsi məsələləri müzakirə ediləcək.
Müəlliflə əlaqə saxlamaq üçün elektron ünvan - [email protected]
