Azərbaycan,Bakı, 18 mart/ " müxbir E.Hüseynov/ Gürcüstanın eks-prezidenti Eduard Şevarnadze hesab edir ki, Rusiya Abxaziya və Cənubi Osetiyadakı separatçı rejimlərin müstəqilliyini tanımayacaq. "Silah tədarükü və Abxaziyadakı separatçı rejimə hər hansı bir yardımı məhdudlaşdıran müqavilədən çıxmaq haqqında fərman verməklə, Rusiya Gürcüstanın bu regionlarının müstəqilliyini tanımayacağını bəyan edib", - çərşənbə axşamı Şevardnadze Trend -a bildirib.
"Röyter" Agentliyi məlumat verib ki, MDB işləri üzrə Dövlət Duması Komitəsi bazar ertəsi Abxaziya və Cənubi Osetiyanın müstəqilliyinin tanınması haqqında hökumət üçün tövsiyələr layihəsini təqdir edib. Ötən cümə axşamı Dövlət Dumasında Abxaziya, Cənubi Osetiya və Dnestryanıdakı separatçı rejimlərin müstəqilliyinin tanınması haqqında məsələnin müzakirəsi üzrə parlament dinləmələri keçirilib. Martın əvvəlində Rusiya XİN MDB çərçivəsində dövlət xətti üzrə Abxaziya ilə ticari-iqtisadi, maliyyə, nəqliyyat və digər əlaqələrin həyata keçirilməsinin məhdudlaşdırılmasını nəzərdə tutan 1996-cı il müqaviləsindən çıxdığını bəyan edib. Ekspertlər hesab edirlər ki, Rusiya belə hərəkətləri Tbilisinin Qərb yönümlü kursu və tezliklə NATO-ya daxil olmaq arzusu ilə əlaqədar olaraq edir.
Şevardnadze bildirib ki, separatçı rejimə silah tədarükü və digər yardımın qadağan edilməsini nəzərdə tutan 1996-cı il müqaviləsindən çıxmaq haqqında qərarın Rusiya rəhbərliyi tərəfindən qəbul edilməsi faktının özü Gürcüstan Respublikasının ərazi bütövlüyünün dəstəklənməsinə dair BMT Qətnaməsinin kobud şəkildə pozulmasıdır.
Şevarnadzenin sözlərinə görə, Qərb və Avropa ölkələri tərəfindən Kosovonun müstəqilliyinin tanınması bunun əleyhinə çıxış edən Rusiyanın özü üçün pis presedentdir. "Rusiyanın özündə də müstəqilliyə iddia edə biləcək ölkələr var. Bunlar Çeçenistan, Dağıstan, Tatarıstan, Başqırdıstan və digərləridir. Buna görə, Rusiya, əgər belə presedent yaradılacaqsa, Kosovo məsələsi üzrə narahat olur", - Gürcüstanın eks-prezidenti hesab edir.
Şevardnadze Rusiyanın mənfi münasibətinin Tbilisinin NATO-ya daxil olmaq və apreldə Buxarest Sammitində Alyansa üzvlük üzrə Fəaliyyət Planını (MAP) almasına təsir etməsi haqqında suala cavab verməkdə çətinlik çəkib. Eks-prezident Rusiyanın bunun əleyhinə olması və Almaniya ilə Fransanın onu dəstəklədiyini nəzərə alaraq, bunun sadə sual olmadığını bildirib.Kosovonun müstəqilliyi tanındıqdan sonra, müşahidəçilərin rəyinə görə, Moskva tərəfindən dəstəklənən Cənubi Osetiya, Abxaziya və Dnestryanı Sovet imperiyasının dağılmasından sonra qalan bu respublikaların suverenliyinin beynəlxalq ictimaiyyət tərəfindən tanınması üçün keçmiş serb əyalətindən daha çox səbəb olduğunu bildiriblər.
Gürcüstanın NATO-ya qəbul edilməsi haqqında qərar çıxarılan zaman Alyans Ruisyanın mümkün hərəkətləri və reaksiyasını analiz etmək niyyətindədir. "Gürcüstan üzrə qərar qəbul edilərkən NATO Rusiya ilə balans axtaracaq", - bu gün Brüsseldə adını bildirməyən NATO-nun rəsmi nümayəndəsi jurnalistlərə bildirib. "Bizim müəyyən prosedurlarımız var və biz Gürcüstanın NATO-ya üzv olması üzrə məsələnin Rusiya ilə qarşılıqlı münasibətlərə necə təsir göstərəcəyini analiz etmək niyyətindəyik. Biz hər hansı bir balansa nail olmalı olacağıq", - o bildirib.
