...

Azərbaycan paytaxtında yol qəzaları zamanı ölənlərin sayı 36 faiz azalıb

Siyasət Materials 29 Mart 2008 17:02 (UTC +04:00)

Azərbaycan, Bakı, 29 mart / Trend , müxbir E.Hüseynli/ Azərbaycanın paytaxtında yanvar-mart aylarında yol qəzalarından ölənlərin sayı 36 faiz azalıb. Bu barədə şənbə günü Trend a Bakı şəhər Dövlət Yol Polisi İdarəsinin şöbə müdiri Vaqif Əsədov məlumat verib.

Ötən ilin 3 ayı ərzində Bakıda yol qəzaları zamanı 83 nəfər həlak olub, 329 nəfər xəsarət alıb.

Əsədov bildirib ki, bu il martın sonunadək kimi Bakıda 240 yol qəzası qeydə alınıb, nəticədə, 53 nəfər ölüb, 266 nəfər yaralanıb. Onun sözlərinə görə, bu il ölümlə nəticələnən yol qəzalarının əksəriyyəti avtomobilin yüksək sürətlə idarə olunması, avtomobilin öz yolundan çıxması nəticəsində baş verib.

Martın əvvəlinədək 105 943 sürücü yol hərəkəti qaydalarını pozduğuna görə cərimələnib. Cərimələrin 4 420 -i avtomobilin yüksək sürətlə idarə olunmasına görədir.

Xəbər lenti

Xəbər lenti