Azərbaycan, Bakı, 307 mart / Trend , müxbir K.Zərbalıyeva/ Məhkumla gorüşə gələn şəxsdən 24 qramdan artiq narkotika götürülüb.
Ədliyyə Nazirliyinin Penitensiar Xidmətindən bildirilib ki, martın 29-da Penitensiar Xidmətin 1 saylı Cəzaçəkmə Müəssisəsinin əməkdaşlarının həyata keçirdikləri əməliyyat tədbirləri nəticəsində, həmin müəssisədə cəza çəkən məhkum Qasımov Zaur Famil oğlunun yanına görüşə gəlmiş vətəndaş Fərzəliyev Tural Umar oğlunun gətirdiyi sovqatdan ümumi çəkisi 24,660 qram olan narkotik maddə - heroin tapılıb götürülüb.
Qasımov Cinayət Məcəlləsinin sağlamlığa qəsdən ağır zərər vurma və sağlamlığa qəsdən yüngül zərər vurma maddələri ilə təqsirli bilinərək, 6 il müddətinə azadlıqdan məhrum edilib.
Aşkar olunmuş narkotik maddə və tutulmuş şəxs istintaq aidiyyəti üzrə Nizami rayon Polis İdarəsinə təhvil verilib.