Azərbaycan, Bakı, 01 aprel / Trend , müxbir Q.Cəbiyev/ Eks-spikerin -- ABŞ-da mühacir həyatı yaşayan Rəsul Quliyevin lideri olduğu Açıq Cəmiyyət Partiyası (ACP) icazəsiz aksiyalar keçirmək taktikasından imtina edib. Bu barədə çərşənbə axşamı Trend -a ACP sədri Akif Şahbazov məlumat verib.
Quliyevin tərəfdarları ötən ilə kimi Azərbaycan Demokrat Partiyasında siyasi fəaliyyət göstəriblər. Onlar hakimiyyətə qarşı ən radikal mövqedən çıxış ediblər. Ötən ilin yanvarında ADP-nin hakimiyyətlə dialoq qurulması ilə bağlı yeni siyasi kursu qəbul etməsi Quliyevin tərəfdarlarının ADP-dən imtina etməsi ilə nəticələnib. Onlar özlərinin ACP-ni yaradıblar.
Şahbazov bildirib ki, radikal siyasi kurs partiyada olan intellektual potensiallı insanların kənarlaşmasına gətirib çıxarır və partiyanın inkişafına olduqca ciddi zərbə vurur. Ona görə də radikallıqdan imtina edərək, sivil qaydada mübarizənin tərəfdarıyıq. Onun sözlərinə görə, partiya seçkiqabağı radikallıq nümayiş etdirmək yolu tutmayacaq.
Məqalə müəllifi ilə əlaqə ünvanı: [email protected]