Azərbaycan, Bakı, 23 may/ Trend , müxbir E.Babayev/ Azərbaycan parlamentinin üzvü, millət vəkili Əli Məsimovun partiya yaratmaq cəhdi baş tutmayıb. "Bizim Azad Demokratlar Birliyi Partiyasını yaratmaq istiqamətində fəaliyyətimiz arzuolunan səviyyədə getməyib və bu səbəbdən indiyə qədər partiyanın elan olunması baş tutmayıb", deyə cümə günü Trend -a Azad Demokrat Birliyi Partiyasının yaradılması məqsədi ilə formalaşan Təşkilat Komitəsinin sədri Məsimov bildirib.
Trend -un arayışı: Məsimov 1991-ci ildən Azərbaycan Prezidenti Aparatının İqtisadiyyatın idarə edilməsinin təşkili şöbəsinin bölmə midiri, Sosial-iqtisadi inkişaf şöbəsinin baş məsləhətçisi, 1992-ci ildən Azərbaycan Xarici İnvestisiyalar Komitəsinin sədri, Azərbaycan Respublikası Baş nazirinin birinci miavini, Dövlət İqtisadiyyat və Planlaşdırma Komitəsinin sədri, Baş nazir əvəzi, iqtisadiyyat naziri, 1993-2005-ci illərdə "Mistəqil İqtisadçılar Birliyi" ictimai təşkilatının prezidenti vəzifələrində çalışıb. Uzun müəddət Xalq Cəbhəsi partiyasında rəhbər strukturlarda çalışan Məsimov 2005-ci ildən sonra Azad Demokratlar Birliyi Partiyasının yaradılması niyyəti ilə Təşkilat Komitəsi yaradıb. 2005-ci il noyabrın 6-da 113 saylı Şəki şəhər seçki dairəsindən deputat seçilib.
Məsimov bildirib ki, onun əsas məqsədi Azərbaycanın gələcəyini düşünən, onun güclü dövlətə çevrilməsi üçün bütün qüvvəsini səfərbər edən, inellektual şəxsləri bir yerə yığmaq olub. "Ona görə də proses belə ləng gedib" - deyən Məsimov başqa bir problem kimi maliyyəni göstərib. Bununla belə, o, partiya yaratmaq fikrindən tam daşınmadığını və bu istiqamətdə iş aparacağını vurğulayıb. Millət vəkili bu işi
konkret nə vaxt yekunlaşdıra biləcəyi barədə suala isə cavab verməyib.
Məqalə müəllifi ilə əlaqə ünvanı: [email protected]
