Azərbaycan, Bakı, 27 may / Trend müxbir S.Ağayeva/ Əmmanda turizm sahəsində Azərbaycan və İordaniya arasında əməkdaşlıq imkanları müzakirə olunacaq.
Əməkdaşlıq perspektivlərinin Azərbaycanın mədəniyyət və turizm naziri Əbülfəs Qarayevin iyunun sonunda İordaniyaya səfəri zamanı müzakirə olunacağı planlaşdırılır. Bu barədə çərşənbə axşamı Əmmandan telefonla Azərbaycanın İordaniyadakı səfiri Elman Araslı məlumat verib.
Nazir İordaniyanın mədəniyyət və turizm naziri, turizm şirkətlərinin rəhbərləri ilə bir sıra görüşlər keçirəcək , birgə mədəniyyət günləri və turizm səyahətlərinin təşkili məsələlərini müzakirə edəcək.
Məqalə müəllifi ilə əlaqə ünvanı: trend
